Ӏэпкълъэпкъ жан

ӀЭПКЪЛЪЭПКЪ (29). ЦӀыхум, псэущхьэм ипкъ. Нурхьэлий фӀэфӀтэкъым къэхъуа-къэщӀа псоми тепсэлъыхьыну, Хъалилхэ я къурӀэныр игу къэкӀыжмэ, и Ӏэпкълъэпкъыр кӀэзызырт. Хъуэпсэгъуэ нур, 187. Думэсарэ и къуэм кӀэлъыплъырт, абы и Ӏэпкълъэпкъым зэрызиужьам гу лъитауэ. Мазэ ныкъуэ щхъуантӀэ, 505. Ӏэпкълъэпкъ гъэдахэ а щыгъыныр, И цеймкӀэ лъэпкъыр хэтми къащӀэрт. Адыгэ цей. «Дамыгъэ», 238. ◊ Ӏэпкълъэпкъ жан (1). Жыджэр, жьы зыщӀэт. Япэм ЛӀыгъур Ибрэхьим нэхъ бжьыфӀэу, егъэджакӀуэм нэхъ ещхьу къытфӀэщӀа щхьэкӀэ, иджы Алий нэлейкӀэ деплъ хъуащ, езыр нэжэгужэу, цӀыкӀум задигъэцӀыкӀуу, иным задигъэину, Ӏэпкълъэпкъ жан иӀэу гу лъыттати. Зи лъэрыгъыпс тӀыгъа, 522. Ӏэпкълъэпкъыр зэпкърыхун (1). Къарууншэ хъун, Ӏэпкълъэпкъыр щӀэлӀэн. [Исуф:] ЗанщӀэу си лъакъуитӀыр щӀэхуащ, Ӏэпкълъэпкъри зэпкърыхуащ. Лэчымэ, 395. Дэфэрэдж щтэри и Ӏэпкълъэпкъыр зэщӀэдиящ, и сабийри зрикъузылӀэу. Лъапсэ, 55. Ӏэпкълъэпкъыр къыдэмыбзын (2). Ӏэпкълъэпкъыр къомыдэӀуэжын, тэмэму земыкӀуэжын, мылэжьэжын. Си Ӏэпкълъэпкъыр къыздэмыбзми, си щхьэр фӀэлэлу уэрам мащӀэ сыдэта – и кӀэм сыгъуащэри, сыкъэгувэпащ. МелыӀыч, 437. Хъыджэбзыр псым хэдиихьащ, и Ӏэпкълъэпкъыр къыдэмыбзыжу. Щынэхужьыкъуэ, 54. Ӏэпкълъэпкъ псынщӀэ (1). Еплъ Ӏэпкълъэпкъ жан. [Дэфэрэдж:] Сэ сылъэтэным хуэдэу Ӏэпкълъэпкъ псынщӀэ сохъур: – Тхьэм уигъэпсэу, сыту си гуапэ пщӀа, Варюхэ, –жысӀэу, сэри цӀыхубзым арэзы сыкъызэрищӀар си гуапащэ хъуащи, сыт псалъэкӀэ мыбы и гур дахэ хуэсщӀын жысӀэу, си Ӏупэр зэтож. Лъапсэ, 16. Ӏэпкълъэпкъ хьэлъэу (1). Къарууншэу, Ӏэпкълъэпкъыр щӀэлӀауэ. МащӀэ-мащӀэурэ Ӏузизэ и нэкӀу дахэр къэпщу, и фэр пыкӀыу, Ӏэпкълъэпкъ хьэлъэу, зигъэзэн къехьэлъэкӀыу, тӀысамэ, тэджыжын щхьэх хъуащ. Хъуэпсэгъуэ нур, 68. Ӏэпкълъэпкъым щыщ (1). Бын. [Адэм и къуэм жреӀэ:] Сэ си Ӏэпкълъэпкъым ущыщми, Си Ӏэщэр нобэ пхуэслъащ. «Адэ», 141.