ней къытехуэн
КӀыщокъуэ Алим и Бзэм и Псалъалъэ, БищӀо Б.Ч.
ней
Биигъэ, жэгъуэгъугъэ, ижыгъэ. -415.
УзогъащӀэ, Сэтэней, Сызыхуейри уэ уи нейщ, Ди нарт шухэм я нэхъыщӀэу, Я нэхъ щӀалэу Ашэмэзым Хъыджэбз гуауэр езгъэщӀэнщи Ди щӀыналъэм къэсыжынщ, - ЖиӀэу пщащэр зэщӀэплъауэ КъемыплъэкӀыу ӀуегъэзыкӀ.— ЩӀалэгъуэ щӀыналъэ, 414
+2 örnek
Зэ щӀы къатиблым сыщӀэпхуати, Уи нейкӀэ цӀыхум сагъэпэж.— Си лъапсэр бгъэгъумэ уэ пфӀэфӀати… Щхьэлыкъуэ, 400
Къытпоплъэ зауэр дэ пщэдей, ЖызоӀэр сэри «бийм я ней».— Атакэм и пэкӀэ. «Шум и гъуэгу», 52
Deyimler (2)
ней къытехуэн
Гум фӀы хуимылъын, зэран екӀыну хущӀэкъун.
МафӀэм, псывэм себгъэсакъым, Къыстехуакъым зым и ней, Сядэ-сядэу ТӀакъэ махуэ, Сыхуомышэ Сэтэней.— ЩӀалэгъуэ щӀыналъэ, 421
+2 örnek
Лейм пэщӀэувэу щебэнкӀэ, КъаукӀри пхыру къытохуэ, Бий гущӀэгъуншэм и нейхэр Ди цӀыху мин Ӏэджэм къатохуэ.— ЩӀым и макъ. «Шум и гъуэгу», 38
[Кхъухьыпщым жиӀэу:] Плъагъуркъэ абы и бзаджагъэр, Ӏэмалрэ хьилэрэ щыӀэу уи ней къытихуэ.— Кхъухь пхэнж, 508
ней (къы)щыхуэн
[Локотош жиӀэу:] Зи хэку епцӀыжым Сталиным и ней щыхуащ!— Нал къута, 256
+2 örnek
Жьауэ ящӀым ущӀэт защӀэм, Зыщыхуари уэрщ я ней.— Зэрызыххэу зэщхьыркъабзэ. «Батырыбжьэ», 155
АрщхьэкӀэ зи щхьэ щымыӀэм и шыдыр сыт мэхъу жаӀэрэ – кӀэщӀэтхыхьар щежьэжым, зыкӀэщӀэтхыхьам зыкърисэри Ӏуэхур цырыцу зэӀищӀэурэ хейр мысэ иригъэщӀри мысэр хей хъуащ, уеблэмэ щыхьэту зи цӀэ ИраӀуахэм еджэмэ – жаӀауэ щытари ядэжакъым, ялъэгъуар ямылъэгъуауэ къыщӀэкӀыжащ; ерэхъурэ хъунрэ щыӀэу уи ней къысщыхуэ жыхуаӀэ щӀыкӀэу.— Лъапсэ, 12
Еплъ: ней къытехуэн
Kitapta geçtiği hali
НЕЙ (5). Биигъэ, жэгъуэгъугъэ, ижыгъэ. УзогъащӀэ, Сэтэней, Сызыхуейри уэ уи нейщ, Ди нарт шухэм я нэхъыщӀэу, Я нэхъ щӀалэу Ашэмэзым Хъыджэбз гуауэр езгъэщӀэнщи Ди щӀыналъэм къэсыжынщ, - ЖиӀэу пщащэр зэщӀэплъауэ КъемыплъэкӀыу ӀуегъэзыкӀ. «ЩӀалэгъуэ щӀыналъэ», 414-415. Зэ щӀы къатиблым сыщӀэпхуати, Уи нейкӀэ цӀыхум сагъэпэж. Си лъапсэр бгъэгъумэ уэ пфӀэфӀати… «Щхьэлыкъуэ», 400. Къытпоплъэ зауэр дэ пщэдей, ЖызоӀэр сэри «бийм я ней». Атакэм и пэкӀэ. «Шум и гъуэгу», 52. ◊ Ней къытехуэн (4). Гум фӀы хуимылъын, зэран екӀыну хущӀэкъун. МафӀэм, псывэм себгъэсакъым, Къыстехуакъым зым и ней, Сядэ-сядэу ТӀакъэ махуэ, Сыхуомышэ Сэтэней. «ЩӀалэгъуэ щӀыналъэ», 421. Лейм пэщӀэувэу щебэнкӀэ, КъаукӀри пхыру къытохуэ, Бий гущӀэгъуншэм и нейхэр Ди цӀыху мин Ӏэджэм къатохуэ. ЩӀым и макъ. «Шум и гъуэгу», 38. [Кхъухьыпщым жиӀэу:] Плъагъуркъэ абы и бзаджагъэр, Ӏэмалрэ хьилэрэ щыӀэу уи ней къытихуэ. Кхъухь пхэнж, 508. Ней (къы)щыхуэн (7). Еплъ ней къытехуэн. [Локотош жиӀэу:] Зи хэку епцӀыжым Сталиным и ней щыхуащ! Нал къута, 256. Жьауэ ящӀым ущӀэт защӀэм, Зыщыхуари уэрщ я ней. Зэрызыххэу зэщхьыркъабзэ. «Батырыбжьэ», 155. АрщхьэкӀэ зи щхьэ щымыӀэм и шыдыр сыт мэхъу жаӀэрэ – кӀэщӀэтхыхьар щежьэжым, зыкӀэщӀэтхыхьам зыкърисэри Ӏуэхур цырыцу зэӀищӀэурэ хейр мысэ иригъэщӀри мысэр хей хъуащ, уеблэмэ щыхьэту зи цӀэ ИраӀуахэм еджэмэ – жаӀауэ щытари ядэжакъым, ялъэгъуар ямылъэгъуауэ къыщӀэкӀыжащ; ерэхъурэ хъунрэ щыӀэу уи ней къысщыхуэ жыхуаӀэ щӀыкӀэу. Лъапсэ, 12.