кӀэрылъын
Адыгэбзэ Псалъалъэ, Багъы П.М.
(кӀэрылъщ)
1. КӀэрыгъуэлъхьауэ щытын.
рулежать около какой-л. вертикальной или наклонной поверхности
Языныкъуэ шыщӀэхэр дыгъэм зрагъэухэу джабэм бгъукӀэ кӀэрылъхэт.— Къашыргъэ ХьэпащӀэ
2. ФӀэдзауэ, кӀэрыщӀауэ щытын.
рувисеть на ком-чем-л.
КӀэмыргъуокъуэр.., уэсят къызэрищӀам ипкъ иткӀэ, и Ӏэщэ-фащэр кӀэрылъу и шым тесу щӀалъхьащ.— Нэгумэ Шорэ
3. КӀэрыцӀэлъауэ, щыхуауэ, кӀэрищӀауэ щытын.
рубыть испачканным, вымазанным чем-л.
Вакъэм ятӀэ кӀэрылъщ.
Bu maddedeki ifadeler (2)
дахагъэ жыхуаӀэ кӀэрымылъын
Еплъ: дахагъэ
къуаншагъэ кӀэрылъын
Еплъ: къуаншагъэ
Kitapta geçtiği hali
кӀэрылъын (кӀэрылъщ) неперех. гл. 1. лежать около какой-л. вертикальной или наклонной поверхности / КӀэрыгъуэлъхьауэ щытын. * Языныкъуэ шыщӀэхэр дыгъэм зрагъэухэу джабэм бгъукӀэ кӀэрылъхэт. Къ. Хь. 2. висеть на ком-чем-л. / ФӀэдзауэ, кӀэрыщӀауэ щытын. * КӀэмыргъуокъуэр.., уэсят къызэрищӀам ипкъ иткӀэ, и Ӏэщэ-фащэр кӀэрылъу и шым тесу щӀалъхьащ. Н. Ш. 3. быть испачканным, вымазанным чем-л. / КӀэрыцӀэлъауэ, щыхуауэ, кӀэрищӀауэ щытын. Вакъэм ятӀэ кӀэрылъщ. Дахагъэ жыхуаӀэ кӀэрымылъын см. дахагъэ. Къуаншагъэ кӀэрылъын см. къуаншагъэ.
КӀыщокъуэ Алим и Бзэм и Псалъалъэ, БищӀо Б.Ч.
(кӀэрылъщ)
1. Зыгуэрым и щӀыӀум телъын.
Пщэдджыжьым зиужьри дыгъэр къыдэкӀуэтеяти, бжьыхьэкӀапэм къыпылэл мылхэм псыр къыпыткӀурт е къыпыхурти щащэрт, жыгхэм кӀэрылъ мылри къыкӀэрыхурт— Хъуэпсэгъуэ нур, 312
2. Зыгуэрым кӀэрыпщӀауэ щытын.
Езы Нартыхур хъуэхъум едаӀуэххакъым, пщафӀэр къриджауэ жьэжьейр зыкӀэрылъ лым и гъэвэкӀэр гуригъаӀуэрти— Лъапсэ, 80
3. ЗыщӀыпӀэ фӀэдзауэ, кӀэрыщӀауэ щытын.
Старшынэри шууэ абы и ужьым итт, Ӏэщэ-фащэу иӀэр кӀэрылъу— Хъуэпсэгъуэ нур, 211
+1 örnek
Ӏэщэ-фащэ кӀэрылъыр шы шытепхъуэ телъ хуэдэт, шыгъэцӀыв и шырыкъуитӀым илъым игъэлъэпэрапэрт, зылъагъур игъэдыхьэшхыу— Нал къута, 251
4. КӀэрыцӀэлъауэ, щыхуауэ щытын.
[Фэуаз:] Сэри унэм сыщӀыхьэжыным и пэкӀэ шэщым сыщӀыхьэрти, шы псэфым сытелъэщӀыхьырт, и сокур, и шыкӀэр хуэзгъэкъабзэрт, кӀэрымылъын кӀэрылъмэ, шытхъунщӀ сытхэр сиӀэт— Анка, 382
+2 örnek
Дисэ и закъуэпцӀийуэ унэм щӀэлът, фӀейуэ кӀэрылъар кӀэрыгъужауэ, псы зэфэн къудей имыӀэу— ГущӀэгъу, 421
Зы сабэ Ӏейуэ пкӀэрылъу А унэм и бжэм уемыӀэ, Къэбзагъэр уи гум имылъу уэ удигъусэу жумыӀэ— Коммунизмэм ирихьэлӀэм. «Партыр ди пашэу», 10
5. Зыгуэр иӀэн, бгъэдэлъын.
[Алыджыкъуэ:] «Сыту пӀэрэ иджы мы фочымкӀэ ищӀэну и хьисэпыр?» - жысӀэу согупсыс, сихъунщӀэмэ, скӀэрылъ щыӀэкъым, щыгъын жыпӀэнущи, сыфейцейщ, пызыхыжари ахъшэщ— МелыӀыч, 457
+2 örnek
[Машинэм ис лӀым Дзэшу жреӀэ:] Машинэм щыщ къэмынэу кӀэрылъыр кӀэрахыну пӀэрэ, жызоӀэри нэхъ сегъэгузавэ— КӀапсэ кӀапэ, 6
А щӀалищри зэныбжьэгъухэщ, Хэт нэ фӀыцӀэщ, хэти нагъуэщ, Я къалэнхэр зэрызыхэщ, ЯкӀэрылъкъым зым зы дагъуэ— Колхоз шыгъажэм. «Партыр ди пашэу», 39
6. Къуаншэн.
[Дэфэрэдж:] Сэри сыт щхьэкӀэ япэ къезгъэжьэн, къезгъажьэрэ къызжьэдигуэжмэ, схуэфащэ дыдэщ, зыри хэзмыщӀыкӀ хуэдэу фэ зытезгъауэмэ, нэхъыфӀщ, студентхэр жыпӀэнущи, хъарзынэу къысхущытщ, фӀей лъэпкъ зэрыскӀэрымылъыр тыншу ящӀэ, гулъытэ дахэри къысхуащӀыр, «Гиппократ и тхьэлъанэм» сызэрытемыкӀынур хьэкъкӀэ я фӀэщ мэхъур, езыхэри абыкӀэ си акъылэгъушхуэщ— Лъапсэ, 9
+2 örnek
[ЛэтӀифэ:] – Уи закъуэщ, тӀасэ, уэ зым фӀэкӀа Дэфэрэдж зи цӀэ хэкум искъым: дыщӀэупщӀащ, зэдгъэщӀащ, зыумысыжи нэхъыфӀщ. [Дэфэрэдж:] - ЛӀо скӀэрылъыр зызумысыжыну?— Лъапсэ, 26
[Астемыр Къэбэрдей тетым жреӀэ:] ПцӀы уупсынум лӀам телъхьэ жаӀэми, пцӀы схуэупсынукъым. НэгъуэщӀ скӀэрылъ щыӀэкъым— Хъуэпсэгъуэ нур, 120
Deyimler (1)
къуаншагъэ кӀэрылъын
Еплъ: къуаншагъэ
Kitapta geçtiği hali
КӀЭРЫЛЪЫН (кӀэрылъщ) лъэмыӀ. (29). 1. (1). Зыгуэрым и щӀыӀум телъын. Пщэдджыжьым зиужьри дыгъэр къыдэкӀуэтеяти, бжьыхьэкӀапэм къыпылэл мылхэм псыр къыпыткӀурт е къыпыхурти щащэрт, жыгхэм кӀэрылъ мылри къыкӀэрыхурт. Хъуэпсэгъуэ нур, 312. 2. (1). Зыгуэрым кӀэрыпщӀауэ щытын. Езы Нартыхур хъуэхъум едаӀуэххакъым, пщафӀэр къриджауэ жьэжьейр зыкӀэрылъ лым и гъэвэкӀэр гуригъаӀуэрти. Лъапсэ, 80. 3. (5). ЗыщӀыпӀэ фӀэдзауэ, кӀэрыщӀауэ щытын. Старшынэри шууэ абы и ужьым итт, Ӏэщэ-фащэу иӀэр кӀэрылъу. Хъуэпсэгъуэ нур, 211. Ӏэщэ-фащэ кӀэрылъыр шы шытепхъуэ телъ хуэдэт, шыгъэцӀыв и шырыкъуитӀым илъым игъэлъэпэрапэрт, зылъагъур игъэдыхьэшхыу. Нал къута, 251. 4. (6). КӀэрыцӀэлъауэ, щыхуауэ щытын. [Фэуаз:] Сэри унэм сыщӀыхьэжыным и пэкӀэ шэщым сыщӀыхьэрти, шы псэфым сытелъэщӀыхьырт, и сокур, и шыкӀэр хуэзгъэкъабзэрт, кӀэрымылъын кӀэрылъмэ, шытхъунщӀ сытхэр сиӀэт. Анка, 382. Дисэ и закъуэпцӀийуэ унэм щӀэлът, фӀейуэ кӀэрылъар кӀэрыгъужауэ, псы зэфэн къудей имыӀэу. ГущӀэгъу, 421. Зы сабэ Ӏейуэ пкӀэрылъу А унэм и бжэм уемыӀэ, Къэбзагъэр уи гум имылъу уэ удигъусэу жумыӀэ. Коммунизмэм ирихьэлӀэм. «Партыр ди пашэу», 10. 5. (9). Зыгуэр иӀэн, бгъэдэлъын. [Алыджыкъуэ:] «Сыту пӀэрэ иджы мы фочымкӀэ ищӀэну и хьисэпыр?» - жысӀэу согупсыс, сихъунщӀэмэ, скӀэрылъ щыӀэкъым, щыгъын жыпӀэнущи, сыфейцейщ, пызыхыжари ахъшэщ. МелыӀыч, 457. [Машинэм ис лӀым Дзэшу жреӀэ:] Машинэм щыщ къэмынэу кӀэрылъыр кӀэрахыну пӀэрэ, жызоӀэри нэхъ сегъэгузавэ. КӀапсэ кӀапэ, 6. А щӀалищри зэныбжьэгъухэщ, Хэт нэ фӀыцӀэщ, хэти нагъуэщ, Я къалэнхэр зэрызыхэщ, ЯкӀэрылъкъым зым зы дагъуэ. Колхоз шыгъажэм. «Партыр ди пашэу», 39. 6. (6). Къуаншэн. [Дэфэрэдж:] Сэри сыт щхьэкӀэ япэ къезгъэжьэн, къезгъажьэрэ къызжьэдигуэжмэ, схуэфащэ дыдэщ, зыри хэзмыщӀыкӀ хуэдэу фэ зытезгъауэмэ, нэхъыфӀщ, студентхэр жыпӀэнущи, хъарзынэу къысхущытщ, фӀей лъэпкъ зэрыскӀэрымылъыр тыншу ящӀэ, гулъытэ дахэри къысхуащӀыр, «Гиппократ и тхьэлъанэм» сызэрытемыкӀынур хьэкъкӀэ я фӀэщ мэхъур, езыхэри абыкӀэ си акъылэгъушхуэщ. Лъапсэ, 9. [ЛэтӀифэ:] – Уи закъуэщ, тӀасэ, уэ зым фӀэкӀа Дэфэрэдж зи цӀэ хэкум искъым: дыщӀэупщӀащ, зэдгъэщӀащ, зыумысыжи нэхъыфӀщ. [Дэфэрэдж:] - ЛӀо скӀэрылъыр зызумысыжыну? Лъапсэ, 26. [Астемыр Къэбэрдей тетым жреӀэ:] ПцӀы уупсынум лӀам телъхьэ жаӀэми, пцӀы схуэупсынукъым. НэгъуэщӀ скӀэрылъ щыӀэкъым. Хъуэпсэгъуэ нур, 120. ◊ Къуаншагъэ кӀэрылъын (1). Еплъ къуаншагъэ.