- кхъужьӀэрысей
цӀыхум ижь – ижыжь лъандэрэ къигъэкӀ, мэзкхъужьейм къытекӀыжа жыг лӀэужьыгъуэщ. Жыгым и лъэгагъыр м 20 – 30-м нос. Гъатхэм кхъужьӀэрысейр хужь дахэу, жыгхэм уэс пӀащэ бжыгъэншэхэр къатещэщам хуэдэу мэгъагъэ. А гъэгъахэм бжьэхэр щызолъатэ, фо зэхуахьэс. КхъужьӀэрысейр зэмылӀэужьыгъуэу щыӀэщ минитхум щӀигъу. Абыхэм я къежьапӀэ – къэхъукӀэр ди нобэм пэӀэщӀэщ илъэс минищкӀэ. ЩӀэныгъэлӀхэм зэрыхуагъэфащэмкӀэ кхъужьӀэрысейр дэгъэкӀэныр къезыгъэжьар ижь – ижьыж лъэхъэнэм Къафкъасым щыпсэуахэрщ. Адыгэхэм кхъужьӀэрысейр зэмылӀэужьыгъуэ куэд къагъэкӀ. абыхэм яхэтщ зи пхъэщхьэмыщхьэр гъэмахуэкӀэм, бжьыхьэм, щӀымахуэм хъухэр. Адыгэ бжьыхьэ кхъужьӀэрысейм щӀэныгъэлӀхэм пщӀэщхуэ хуащӀ кӀасэу зэрыхъум, ӀэфӀыу, псы щӀэту зэрыхъум папщӀэ. А жыгыр зыгъэгъум, изупщӀыкӀым фӀы къехъулӀэркъым