дунейр къэкъутэжыхукӀэ

дуней 1. мир; вселенная; земля / Уафэмрэ щӀылъэмрэ я зэхуакум щыӀэ псори; щӀы хъурейр. Дунейр мамыру щытыным щӀэкъун. 2. мир (напр. животный, растительный) / ГъащӀэм е природэм я къэхъугъэхэм щыщ Ӏыхьэ. Псэущхьэхэм я дуней. КъэкӀыгъэхэм я дуней. 3. жизнь (земная) / ГъащӀэ. * И адэшхуэр зэрылӀар, езым и гуауэм къыхыхьэжауэ, Зырамыку хуабжьу нэщхъейт, дунейр фӀэӀэфӀыжтэкъым. Т. Хь. 4. погода / Зэман пыухыкӀам, щӀыпӀэ хэхам ехьэлӀауэ атмосферэм и щытыкӀэр. Дунейр щӀыӀэщ. * ЛӀыжьым къыдэгузавэ щӀыкӀэу дунейр кӀагъэпшагъэщ, нэщхъейщ. Т. Хь. Дыгъэр къепсыжауэ... дуней зэщӀэлыдэт. Т. Хь. 5. (в функции усилительной частицы) / Зыгуэр нэхъ хэкъузауэ щыжаӀэкӀэ къагъэсэбэп частицэщ. Дунейм сыт ар зищӀысыр? Дунейм сыт и Ӏэмал?! Дуней егъэлъагъун 1) показать кому-л. мир, свет; 2) показать, где раки зимуют; показать кузькину мать; задать перцу, задать жару. Дуней жэнэт рай земной. Дуней къыхуихуащ для него наступила пора благоденствия. Дуней лъагъун повидать свет. Дуней нэху милый, душенька (обращение). Дуней псор весь мир. * Дуней псор лъэгущӀэтыну зи гуращэ Наполеон къебгъэрыкӀуэрт Россиешхуэм. Ш. А. Дуней и пӀалъэ щӀэн знать толк в жизни, иметь жизненный опыт. ДунейкӀи ахърэткӀи хуэарэзын быть довольным кем-л. (букв. быть довольным кем-л. и на этом и на том свете). Дунейм ехыжын уйти из жизни, умереть. Дунейм зэрфытемыгъэтын не ужиться друг с другом. Дунейм зэрытехун=дунейм зэрытемыгэтын. Дунейм зиӀэтын проясниться, установиться (о погоде). Дунейм зыкъигъэзащ улучшиться (о погоде). Дунейм зыкъиуфэн затуманиться, затянуться тучами (о небе). Дунейм зыкъызэщӀиуфэн=дунейм зыкъиуфэн. * Къешхыныфэу дунейм зыкъызэщӀищӀат. Ӏуащхь. Зэуэ мазэр пшэ фӀыцӀэм щӀелъафэри дунейм жьапщэу зыкъыщӀещӀэ. Ш. А. Дунейм къытемыгъэхьэн держать в строгом секрете, не разглашать что-л. Дунейм къытемынэжын уничтожить полностью, целиком, не оставить на свете. * А уи къуэш нэпсейхэр ирикъухукӀэ уэ бажафи, дыгъужьыфи дунейм къытебнэжынкъым. КӀ. Т. Дунейм къытемышын не найти во всем мире. * Болэт и гъащӀэм алыхьым и ней къыпщыхуэ жриӀауэ дунейм зы цӀыху къытепшынкъым. Къ. Хь. Дунейм къытеутӀыпщхьэн выпустить на волю кого-л. Дунейм къытехьэжын появиться вновь в обществе (после долгого отсутствия). Дунейм къытехьэн 1) появляться, бывать в обществе. * Зыгуэрым ар {Къанокъуэ Елджырыкъуэ} бзэхри илъэсиблкӀэ дунейм къытехьакъым. 2)выйти в свет. * Абы {КӀуащым} и усэ гъуэзэджэхэр дунейм къытехьэу хуежьэри занщӀэу езыри цӀэрыӀуэ хъуащ. Ӏуащхь. {Фосэт:} - Асхьэди хуопӀащӀэр уи къэхутэныгъэр дунейм къыщытехьэну махуэм. Акъ. З. Дунейм къытумыгъыхьэ не сказать никому ни слова. Дунейм текӀыжын исчезнуть, пропасть. Дунейм темыгъэплъэн держать взаперти кого-л., не выпускать из дому. * - Щхьэ уи хъыджэбз дахэр мы дуней нэхум къытумыгъаплъэрэ? - ауан хэлъу мъупщӀэ щӀалэ пэтӀинэр. Черк. фольк. Дунейм темыгъэтын недавать житья кому-л. * - Алыхьыр согъэпцӀ, мы дунейм хуиту тезгъэтмэ ар зи ӀэрыкӀыр.. , -мэхъущӀэр Хьэмид. Щ. Т. Дунейм темыхуэжын 1) быть в избытке, изобилии. Мы гъэм хъарбызыр бэгъуащи дунейм техуэжыркъым. 2) не находить себе места (от избытка какого-л. чувства). * Лу гуфӀэщати дунейм техуэжыртэкъым. КӀ. А. Дунейм тет фӀыгъуэ всё самое дорогое (букв. все сокровища на свете). * Фызыжьым и къуэр узыншэу къэкӀуэжатэмэ, дунейм тет фӀыгъуэр ейуэ къилъытэнт. фольк. Дунейм тетын существовать на свете. Дунейм тетыр всё на свете. Дунейм теху(жы)н сживать со свету, не давать житья кому-л. * Инус хьэжыуэ Астемыр дунейм тезыхужыну зи мурадам и унэм иджы езы Астемыр щагъэпщкӀуауэ щаӀыгъщ. КӀ. А. {Чачэ:} - Ярэби, дунейм щхьэ сытрахурэ, сэ къызэмытхьэкъумэ, щхьэ яшхыр я дзажэ дэмыхьэрэ? Ӏуащхь. Дунейм техьэжын вернуться, возвратиться к жизни. * - Дунейм сытехьэжмэ, сэ нэгъуэщӀ сызыхуей щыӀэкъым, -жиӀащ щӀалэм. Къэб. фольк. Дунейм техьэн выйти на свободу. * Щхьэгъубжэр {Чэзырмэс} дэӀуиудри... тутын Ӏугъуэр хуит ищӀащ дунейм техьэну. Къ. Хь. Дунейм теяуэ тетын к.-з. жить вечно. * Ахэр дунейм теяуэ тетынхэу къафӀощӀыр. Гъу. Хъу. Дунейр алыхьым узэрелъэӀунщ 1) погода что надо 2) жизнь что надо. Дунейр зэдзэкӀын перевернуть весь свет (в поисках кого-чего-л.). Дунейр къэкъутэжын разрушиться (о Земле, вселенной). Дунейр къэкъутэжыхукӀэ до конца света. Дунейр къэтӀэтӀэн разморозиться (о земле). Дунейр къэӀубыжын перевернуть весь свет, буйствовать. Дунейр къещэщэхыжын наступить- о конце света. Дунейр къещэщэхыжыху(нкӀэ) никогда (букв. пока не наступит конец света). Дунейр къытекъутэжын (къытеункӀыфӀэн, къытеуфэрэкӀэн) обрушиться на кого- л. (о беде, несчастье и т. п.). Дунейр къутэ(жы)н шуметь, разоряться. Дунейр мэкъутэж мир рушится. * Нарт щауэм шыхэр лъэмыжым къыщрихум апхуэдизкӀэ Ӏэуэлъауэрти, дунейр къутэжа уфӀэщӀырт. фольк. Дунейр тӀэу пкӀэгъуэ хуэмыхъуу (щымыхъуу) бодро, с приподнятым настроением. * ШыщӀэ цӀыкӀур шыхэм къахэжрэ дунейр тӀэу пкӀэгъуэ хуэмыхъуу къакӀуэрт. фольк. Дунейр хурикъуркъым всё ему мало; мир ему тесен. Дунейр (дуней махуэр) хьын прожить жизнь. * Бэдынокъуэ и дунейр ехь щӀакӀуэр и тепӀэну, уанэр и пӀэщхьагъыу, шыбгыр и шэтыру. Нарт. Дунейр щымыджэмыпцӀэм в дни сотворения мира. * Дунейхэр щымыджэмыпцӀэм, щӀылъэ щхъуантӀэр щызэпцӀагъащӀэм - абы щыгъуэ сыгущэхэлът. Фольк. Сыт и дуней {абы} см. сыт. Дуней еплъыкӀэ мировоззрение / Дунейм къыщыхъу-къыщыщӀэхэм зэрегупсыс щӀыкӀэ. * ЦӀыхум хэлъ хьэлыр, абы и дуней еплъыкӀэр къыщыпщӀэр ар зэикӀ зыӀумыщӀа Ӏуэхум щрихьэлӀэм дежщ. Хь. Хь. Дуней тетыкӀэ образ жизни, поведение / ЦӀыхум и псэукӀэ, и хьэл-щэн. ЛӀым и дуней тетыкӀэр и лэжьэгъухэм ягу ирихьыркъым.

къэкъутэжын а) (къекъутэж) перех. гл. 1. развалить, разрушить что-л. построенное / Къэгъэуэжын, зэпкърыхыжын (унэр, псэуалъэр). Ӏушэу зэтралъхьа блыныр къэкъутэжын. 2. переносное убрать, собрать остаток чего-л. (напр. арбузов) / КӀэкъинэр къехьэлӀэжын, Ӏухыжын. Хъарбыз хадэр къакъутэжащ. б) (къокъутэж) неперех. гл. развалиться, разрушиться (о чем-л. построенном) / Къэуэжын, къищэхэжын. Псэуалъэ ящӀар жьышхуэ къепщэри къэкъутэжащ. Дунейр къэкъутэжын см. дуней. Дунейр къэкъутэжыхукӀэ см. дуней. Ӏуэхур къэкъутэжын см. Ӏуэху.